...***♂夢の失樂園℃***...

    又系過咗好耐都冇寫過日記喇...唉...睇黎我嘅懶系改唔到咖喇...
    用Mac系統登錄呢個空間有D怪怪嘅感覺...哈哈...冇咗相冊,冇咗Media...寫日記呢度無咗代碼模式...其次就系字體問題...Mac嘅字體真系靚到爆!!
    半個學期過去嚕...最近要忙期末考喇...努力學習...感情事嘛...放埋一二邊啦...貌似我媽咪最近對我D感情事好關心...哈哈哈...唔知佢有冇睇過我呢個space呢?...希望冇...= =!
    前一排手機俾人偷咗...心痛到我啊...冇天理啊...宜家咩聯系人都冇曬...5555555...不過都好少人揾我嘅...是但啦...
    近排聽緊Jay嘅新專輯...一開始聽果陣真系覺得一般般...但系聽多幾次之後又覺得唔錯...暈倒...貌似有少少魔力的感覺...不過..."牛仔很忙"呢首我就真系唔中意...其他嘛...都唔錯啦...
    突然又記起佳佳去hongkong個兩日...我改咗個簽名為"佳佳去咗hongkong...呢兩日我咪好悶咯..."...媽咪就即刻問我佳佳系邊個...速度之快...真系只可意會不可言傳...哈哈哈...我都想佢系邊個啊...可惜唔系咧...
    望住部NEC手機...我又霖到咗我部73...唉...唔知幾時可以攞翻咧...巨蟹囡囡啊...你一定要好好愛惜部73啊...
    頭先去咗乖豬徒弟嘅空間窺窺...暈倒...佢竟然唔識用銀行卡...= =!...我嘅感覺簡直就好似發現新大陸...佢硬系會制造D意外令我笑得好開心...仲打死要話其實佢唔單純...哈哈哈哈...乖豬...要保護好你唔容易啊...
    佳佳未上Q...又霖翻琴晚同佳佳斗嘴...sorry啊...我唔想咖...原諒我啦哈...
PS:附送我嘅Mac系統美圖一張!!!

    一日一夜過去咗...心...清靜咗唔少...亦都終于揾到咗少少安靜嘅時間黎寫e一篇文章...
    blog首背景音樂..."一路上有你"...系我專門換嘅...送俾過去嘅你...我真繫希望你可以認認真真听一次...一次...就已經足够...e一日...始終要黎...我話過...有一日...我會永遠永遠離開屬于你嘅世界...其實...我一早已經想離開...只不過...我唔想你系最down嘅時候無人愛你...所以果陣時我選擇留低...我選擇咗令自己繼續痛苦...反正...已經習慣了一個人痛苦...只要你滿足...
    前日...系地鐵站我最後一次見到你...我真繫唔敢同你直視...我好驚你會睇得出我喊過...更加怕望住你果時我會即刻喊齣黎...我要真繫走喇...當我臨落樓梯時想轉過頭望你最後一眼...發覺你已經唔繫我身後...一切...都過去喇...
    對情侶卡...本來系你話要買俾我地兩個用...記得我當時好開心...唔繫因爲會慳翻唔少錢...而繫呢對卡叫"情侶卡"...但繫你攷完高考之後我就知道...我地...唔會用上呢對卡...所以我講過好想將呢套卡送俾你...因爲我買呢套卡本身就繫想俾你同你愛嘅人一齊用...我一直以爲繫我...原來錯了...
    前日...我望住個銀包呆咗一個锺...一張放咗繫我銀包差唔多一年嘅相...我媽咪睇過...開過我銀包嘅人都睇過...而我却要將佢攞翻齣黎...感覺...就好似用把刀靜靜穿過自己嘅心...流血...無聲...我記得我俾過一張用1美元褶嘅心心你放系你銀包...我霖...你可能已經整唔見喇...所以我呢次俾埋我銀包入邊嘅呢張你...你中意點用就點用啦...你張相...陪我渡過咗好多個寂寞嘅夜晚...果陣時你叫我等你...我每晚都睇住幅相記下每晚對你嘅思念...果本黑色嘅日記簿...密密麻麻記低咗100幾十個夜晚...當我用火點燃佢果陣...我發覺...我嘅靈魂亦都隨之火化...消逝...
    你講過俾我知...其實...你大半年前已經唔再愛我...你話你呃咗我半年...你話繫因爲你唔想我見到我傷心所以一直唔忍心講...我亦都記得你同我一開始果陣話過你最憎人呃你...但繫點解...我記得你話過"XX哲"繫你表哥嘅名...我記得你話過你要陪我過下半世...我記得你話過你唔會離開我......當你苦苦哀求啊哲俾多次機會你地嘅時候...你同我訴苦...你話你曾經講過將自己嘅幸福交付俾佢要佢照顧你一世...佢應承咗...但繫你好似唔記得咗...其實...呢句話你都曾經對我講過...我當時繫度笑自己...究竟我算繫咩?...
    你話過...呢個世界上...除咗我...無第二個人會用心听你講心事...其實...呢個責任...真繫應該落繫你男朋友身上...我再無能力幫妳分擔痛苦...我累喇...試問...又有邊個會爲我分擔更多嘅痛苦?...除咗俊俊偶爾听我講心事...除咗楠楠給我精神上嘅支持...我唔想身邊嘅朋友再爲我擔心...替我痛...記得阿羅同我講過:如果真繫唔可以同你做翻朋友...就嘗試忘記啦...不過唔好刻意去忘記......但繫我發覺我真繫要强迫自己...先可以忘記你...又記得有次我喊住同個女仔講心事...個女仔爲咗我而喊...我問佢:值得咩?...佢問翻我:你又值得咩?...我無言以對....
    琴日到宜傢...我一直繫度霖...我走咗...邉個替我用心听你心事...邉個替我每月幫妳充卡...邉個替我去建行排兩個锺隊存錢...邉個替我對你日夜思念......後來我發覺我呢D擔心好傻...其實...真的...揾一個能够代替我嘅人真的很容易...
    最後...我只求你最後一件事...記住你最後應承我嘅事...要做到...我無憎過你...無論你呃我壹千次壹萬次...我都唔會怪你...之前你話你同啊哲就黎散...我唔知道繫真定繫假...我亦都唔理以後你同邉個繫一齊...我只求你應承我...一定...一定...一定要揾到你嘅幸福...幷且要一直幸福落去...
    
    最後嘅祝福...
    
    不再見...
    
        你知道吗   爱你并不容易
        还需要很多勇气
        是天意吧   好多话说不出去
        就是怕你负担不起
        你相信吗   这一生遇见你
        是上辈子我欠你
        是天意吧   让我爱上你
        才又让你离我而去
        也许轮回里早已注定
        今生就该我还给你
        一颗心在风雨里
        飘来飘去   都是为你
        一路上有你   苦一点也愿意
        就算是为了分离与我相遇
        一路上有你   痛一点也愿意
        就算这辈子注定要和你分离

    最近發現自己懶咗好多...懶到唔想寫野...開心快樂嘅時間想一直沉浸落去...懶得寫...懶得記錄...所以我寫嘅野大多數都唔開心...宜傢心情嘛嘛...補篇野啦呵呵...
    前日心血來潮入手咗一條森海塞爾嘅MX90VC...用咗我450大洋...一個字~~~值!!!煲緊...相信煲一個星期音質會比宜傢更加好...

    買呢條耳塞嘅原因系暑假配咗台新computer...順便買咗個新嘅音箱~~~漫步者C2(老豆話要爽D嘅)...听完之後我嘅MP3就黯然失色...所以...繫時候更新裝備喇...嘿嘿...選咗好耐先選到呢條價格唔會太貴...又不失水準嘅MX90VC...簡直繫聽齣耳油...順便繫呢度推界幾首唔錯嘅英文歌..."always getting over you"...and..."just one last dance"...and..."he's unbelievable"...and..."living to love you"...
    聽好歌之餘又有少少煩事...楠楠總繫有咩唔開心都唔會話我知...自己收埋收埋...擔心死我...不過佢都大個囡囖...相信佢會處理好嘅...自從我暑假唔開心重返網遊"蒸汽幻想"之後...又識多咗好多網遊好朋友...但繫前一排听到個好壞嘅消息..."天綫"入咗醫院...好希望好希望佢能够快D好翻...我同"BB"同"S"都會幫佢打裝備...每當諗到佢...總繫會覺得有時生命真繫好脆弱...有好多野我都無辦法左右...我真繫好渺小...唔理點都好..."天綫"你都要頂過黎啊!!!
    上咗大二真繫煩咗唔少...作業每科都一般般多...但繫可惜全部都繫關于物理嘅呢~~~!!!呢個學期除咗大英同馬哲之外...其他所有科目都繫屬于物理and數學...作業一做起身...真繫唔繫一般嘅"享受"...
    時不時上上鰻魚小朋友嘅新浪blog同小雨同志嘅baidu空間...發覺我繫最懶嘅...睇黎要努力D更新先得喇...哦喇喇...學習學習...聽日早上有課...唉...宜傢攰到si...嗶...變豬時間到~~~~~~~~下集再見~~~~

    學校唔俾拉ADSL喇...激得我錒...唔系講笑真系想滴幾滴AA超能膠封住校長"下麵"...有人話我太狠...- -...
    無奈之下在隔離宿舍拉左條原本就有嘅AD分綫過黎...如果唔繫...呢個blog又無用嚕...
    自從暑假翻左家鄉就一直無用電腦上過网...- -...天啊...好多日想寫blog...宜傢都唔記得晒D內容嚕...不過算啦...唔繫咩開心嘅事...有得佢過去算喇...
    新嘅學期開始左...我終于變成"師兄"喇~!...忽然間覺得自己老左唔少...鬱悶...呢個學期唔繫一般多課...見到張課程表密密麻麻都繫字...真繫想撼頭埋墻...而且都繫物理學嘅...煩死人喇...
    最近又染上左飲咖啡嘅習慣...媽咪買左好多好香好滑嘅咖啡俾我哇...幸福ing...比雀巢嘅好好多...陶醉啊...
    哎...希望今個學期會過得開開心心啦...呵呵...

    今晚Mc鰻魚突然同我講:"得咗喇~!"...我一早就知道個答案會系咁...咩都無霖就回復咗一句:"恭喜..."...似乎好輕鬆...輕鬆到我呼吸唔到...
    佢依舊系同我講咗句:"多謝..."...佢唔會知道呢句系我除左"對唔住"以外第二句唔想聽到嘅說話...我希望佢會珍惜呢段來之不易嘅感情(我親手殺死了自己嘅靈魂...)...儘管我唔睇好呢段感情...但我會祝福佢...另外我希望佢會記得我親口同佢講嘅佢欠我嘅野...我更希望佢會記得我地永遠永遠都唔繫朋友...
    今晚我送咗首歌俾佢..."和你一樣"...我唔想佢擔心...我希望佢呢世都唔使明白我嘅心情...亦希望呢個世界上所有嘅人都唔使明白我嘅心情...
    今晚我做咗一個只有自己知嘅决定...呵呵...佩服自己...
    咩都唔想霖...聽歌...世界只有歌聲...咖啡的香味...我自己...同埋空洞而無盡的黑...
        不能说的秘密 周杰伦
        
        冷咖啡离开了杯垫 我忍住的情绪在很后面
        拼命想挽回的从前 在我脸上依旧清晰可见
        最美的不是下雨天 是曾与你躲过雨的屋檐
        回忆的画面
        在荡着秋千 梦开始不甜
        你说把爱渐渐 放下会走更远
        又何必去改变 已错过的时间
        你用你的指尖 阻止我说再见
        想象你在身边 在完全失去之前
        你说把爱渐渐 放下会走更远
        或许命运的签 只让我们遇见
        只让我们相恋 这一季的秋天
        飘落后才发现 这幸福的碎片
        要我怎么捡